Thyroid ki bimari se patla hona? Mera weight kyun nahi ruk raha? Help karo!

Yaar seriously, yeh kya bimari hai? Log mujhe dekh ke kehte hain, "Nisha, kitni patli ho gayi, bohot achha lag raha hai!" Aur main andar se jal rahi hoon. Khana toh main pehle se zyada kha rahi hoon, par weight gir hi raha hai. Aaj toh maine 4 roti, dal, sabzi, aur phir badaam bhi kha liye, lekin 2 ghante baad aisa lag raha tha jaise kuch khaaya hi nahi. Haath kaamp rahe hain, dil dhak-dhak kar raha hai, aur chakkar aa rahe hain.

Doctor ne methimazole diya hai, lekin uske side effects se bhi dar lagta hai. Koi aur medication suggest karo jo thoda safe ho? Aur haan, ghar walon ko samjhaana toh aur bhi mushkil hai. Mummy kehti hain "bas tension mat lo, sab theek ho jayega." Jaise main tension lena chahti hoon! Thyroid ki wajah se body ka metabolism hi fast ho gaya hai.

Koi hai jo same problem se guzar raha ho? Please batao ki khane ke baad bhi yeh weakness kyun hoti hai? Aur kaise control kiya tumne? Main thoda confused hoon aur help chahiye. 🙏