Subah fingers mein akad aur dard? Arthritis ne garmi me bhi liya apna naam!

Aaj subah uthi to fingers mein aisa akad tha jaise koi zanjeer daal di ho. Bahut mushkil se chai ka cup uthaya. Beta office ja raha tha, bola "Maa, aapko garmi me bhi dard hota hai?" Haan beta, arthritis ka pata nahi kab kaunsi season me attack kare. Garmi me bhi hota hai, baarish me bhi.

Pichle hafte doctor ne hydroxychloroquine diya tha, lekin usse muh ka taste badal gaya aur aankhon ke samne dhundhla sa lagta hai. Soch rahi hoon band kar doon ya dose kam karun. Waise bhi subah ka dard itna zyada ho gaya hai ki ab atta bhi nahi gund paati. Roti bhi bahar se mangwani padti hai.

Sabse mushkil ye hai ki beti ke sasural walon ne bola hai ki "maa ji ko thoda walk karna chahiye, yoga karna chahiye" par unhe pata nahi ki subah uthna bhi mushkil ho jata hai. Kya koi aisa natural upay hai jo subah ke dard ko kam kare? Ya koi specific stretches jo bina bahar jaye ghar par kar sakte hain? Please batao, bahut pareshan hoon. 🙏