Spearmint tea se PCOS ka acne kam hua ya bas delusion hai? Mummy ko kaise manau?

Maine suna tha spearmint tea PCOS me help karti hai for hormonal acne and facial hair... toh maine last month se start kiya hai. Subah 1 cup pi rahi hu, koi sugar nahi, bas thoda sa lemon daal deti hu. Honestly, first week toh kuch fark nahi laga, but abhi 3rd week hai aur lag raha hai ki acne thoda kam ho raha hai? Ya shayad main delusion me hu🥲 Facial hair toh abhi bhi wahi hai, but maybe time lagta hai.

Par ek problem hai—meri mummy ko pata chal gaya ki main kuch "experiment" kar rahi hu. Unka kehna hai ki ye sab "naturopathy" hai aur kuch nahi hota. Unki shadi ki tension hai, "beta rishte wale aate hai, tera face dekh ke jaate hai" bol ke ro deti hai. Aaj toh rishte wale aaye the, ladka engineer hai, but usne dekha hi nahi mujhe. Ghar me sab ka kehna hai ki "kuch to karo apne saath."

Main toh ab confuse hu. Kya ye spearmint tea actually kaam karti hai for PCOS? Ya main time waste kar rahi hu? Kisi ne try kiya hai? Aur agar haan, toh kitne time me results aaye? Please koi batao, main bahut hopeless feel kar rahi hu.