Shadi ke baad 13 kilo weight gain, PCOS ya ghar ka khana? Mummy aur MIL dono preshaan, kya karun?

Hii everyone, main first time yahan likh rahi hoon. Actually bahut pareshan hoon. Shadi ko bas 8-9 mahine hue hain, aur pehle se hi mera periods ka issue tha (PCOS). But ab weight itna badh gaya hai ki main khud ko pehchan nahi paati. 3-4 kilo nahi, pura 12-13 kilo aa gaya hai shadi ke baad. Mummy bolti hain "ab ghar ka khana mil raha hai toh moti ho gayi," but mujhe lagta hai yeh PCOS ki wajah se hai. Periods toh naturally aate hi nahi, doctor ne metformin diya hai lekin usse bhi weight control nahi ho raha. Sath mein thoda depression bhi ho gaya hai, kuch achha lagta nahi. Mother in law ne kal hi puch liya, "kya problem hai, weight itna kyun badh raha hai, bachche ke liye koi problem toh nahi?" Main kya bolun? Unhe pata hai ki periods ka issue hai but woh samajhti hain ki main fikar nahi karti. Bahut awkward ho raha hai. Koi hai jo shadi ke baad weight gain ke saath deal kar raha ho? Kya karna chahiye? Please koi genuine advice do.