Shaadi ke 6 mahine, period nahi aa rahe! Progesterone pills ke side effects se pareshan hoon, kya karoon?

Mujhe bahut tension ho rahi hai yaar. Meri shaadi ko 6 mahine hue hai, aur mera periods ka problem hai. 3-4 mahine tak naturally nahi aate, doctor ne progesterone pills di hain. Abhi maine pehli baar li hain, 10 din ke liye. Lekin yaar, side effects bahut zyada ho rahe hain. Sir mein dard, body mein fatigue, aur mood itna kharab ho jata hai ki kisi se baat nahi karti. Aisa lagta hai jaise main pagal ho rahi hoon.

Meri mother-in-law ne notice kiya hai ki main thoda alag behave kar rahi hoon. Unhone puchha to maine kuch nahi bataya, but unhe shak ho raha hai ki kuch problem hai. Unki expectation hai ki abhi toh period regular hona chahiye, lekin maine unhe kuch nahi bataya abhi tak. Bahut dar lagta hai ki woh kya sochengi.

Kya koi yahan progesterone pills le raha hai? Side effects se kaise cope karein? Aur kya yeh pills long term safe hain? Main bilkul confuse hoon. Doctor ne kaha hai ki 3-4 cycles karo, but main soch rahi hoon ki aur koi natural option nahi hai kya? Pls help karo yaar.