PCOS ki wajah se facial hair aur acne? Spearmint tea se kya sach mein fark padta hai? 😭

Yaar, maine kal se spearmint tea start kiya hai. Honestly, bahut desperate hoon ab. PCOS ki wajah se facial hair aur acne ne mujhe itna insecure kar diya hai ki ghar se nikalna bhi mushkil ho gaya hai. Kal hi ek rishtedar aaya tha, dekhte hi face pe baal aur pimples dekh ke 'beta thoda weight kam karo' bolke chale gaye. Mummy ka face dekh ke mera dil toot gaya. Unhe bhi pata hai ki main kya seh rahi hoon.

Spearmint tea ke baare mein suna hai ki androgens kam karta hai, toh socha try karoon. Ek cup piya subah, taste thoda weird hai but tolerate kar sakti hoon. But yaar, kya sach mein isse koi fark padta hai? Maine kuch logon ko reviews mein likha dekha ki 3-4 weeks mein acne kam hua, but koi facial hair pe bhi kaam karta hai?

Please koi batao, tum logon ne try kiya hai? Kitna time lagta hai? Aur kya side effects hote hain? I'm literally crying while typing this. Mera confidence zero hai, aur rishte wale reject kar rahe hain. Please help me out. 🙏