PCOS aur 6 mahine mein 10 kilo weight? Mera patla hona ab sapna lagta hai!

Mujhe samajh nahi aa raha kya karun... Shadi ko 6 mahine hue hain aur main pehle se hi periods ki problem se pareshan hoon. Doctor ne PCOS bataya hai, lekin ab weight bhi itna badh gaya hai ki main dar gayi hoon. Shaadi ke pehle 55 kg thi, ab 65 ho gayi. Maa ne kaha tha ki shadi ke baad healthy raho, lekin main toh aur beemar ho rahi hoon.

Meri mother-in-law ne kal pucha, "Beta, kuch dikkat toh nahi hai na?" Main kuch bol nahi payi. Unhe pata nahi hai ki mera periods 3-4 mahine nahi aata bina dawai ke. Main chup chaap apni dawai le leti hoon, lekin weight badhne se aur tension ho rahi hai. Kya PCOS mein weight loss bina kuch kare possible hai? Main gym nahi ja sakti, ghar pe kya karein? Aur yeh weight gain periods ki problem ko aur badhata hai kya? Please koi batao, main bohot pareshan hoon.