No carb diet se pet kam nahi, sirf dimaag kharab hota hai! 😅

Yaar ek doubt hai. Maine suna hai no carb diet se fat jaldi kam hota hai. 3 din ho gaye maine chawal, roti, sab kuch band kar diya. Bas eggs, paneer, chicken, aur salad kha raha hoon. Par yaar, 3 din me hi haalat kharab ho gaye. Headache, thakan, aur mood itna bekaar ki office me kisi se baat nahi kar raha. Aur haan, pet toh kam hua nahi, ulta lagta hai aur zyada dikh raha hai.

Meri mummy bol rahi hain ki roti chawal band karna theek nahi, desi khana kha. Aur wo alag tension hai — ladki wale dekhne aa rahe hain agle mahine. Pet dekh kar phir se mana kar denge toh kya karunga? Pehle gym try kiya, 1 hafte me chhod diya. Ab ye diet bhi aise hi chhodna padega kya?

Bhai log, koi experienced hai jo Indian food ke saath no carb diet follow kar raha hai? Ya phir koi better option hai jo desi khane ke saath chal sake? Please koi genuine advice do, desperate hoon yaar.