Mummy kehti hai inhaler ki aadat lag gayi! 😤 Asthma attack mein bhi na mane

Meri mummy ko lagta hai main inhaler ki "aadat" bana li hu. Kal subah asthma attack aaya, saans phool rahi thi, aur unhone kaha "yeh inhaler roz kyun le rahi ho, iski aadat lag jayegi." Main samjha rahi thi ki yeh addiction nahi, yeh medicine hai jaise BP ka tablet. But woh maanti nahi.

Aaj subah jhadu lagate waqt phir se problem hui. Dust mite allergy hai, pata hai lekin phir bhi mummy ko lagta hai ki main bahana kar rahi hu. Maine air purifier bhi liya hai, thoda aaram milta hai but pura control nahi hota. Kya koi aur bhi yahi sunta hai ghar walo se? Ki inhaler ki adat lag jayegi? Main kaise samjhaun ki yeh addiction nahi, emergency me jaan bachane wali cheez hai?

Aur haan, kya koi asthma patient hai jo dust allergy ke saath reh raha hai? Ghar ki safai kaise karte ho? Jhadu se problem hoti hai, vacuum cleaner bhi soch rahi hu but expensive hai. Koi local tip batao.