Mass Gainer Ne Liver Kharab Kar Diya! 3 Mahine Ki Tabahi, Ab Kya Karein?

Haan bhai, maine socha share karun kyunki kisi aur ke saath bhi ho sakta hai. 3 mahine pehle mass gainer powder order kiya tha, socha body banega patla hoon na. 2 hafte liya, phir achanak pet ke upar right side mein dard, skin pe pimples nikal aaye, aur haath pair yellow lagne lage. Doctor ne check kiya, liver enzymes high the. Ultrasound kiya toh fatty liver ki shuruaat. Bola "ye mass gainer mein heavy protein overload hota hai, kuch brands mein steroids bhi milte hain." Ab mai stressed hoon. Ghar walo ko pata chal gaya toh maa roz roti hai "beta kyun karte ho ye sab." Mummy ne doctor ko bhi phone karke daant diya. Ab mai sirf ghar ka khana kha raha hoon, daal-chawal, roti-sabzi, but gain to zero. Mera weight 52 kg hai at 5'9", log "hanger" aur "sukha papad" bolke chidhate hain. Koi safe natural way hai mass gain karne ka? Ya koi specific desi nuskha? Please help karo, college mein bhi awkward lagta hai.