Job nahi, shaadi nahi, placement nahi – UPSC ki taiyari mein life khatam?

Yaar, aaj kuch zyada hi buri lag rahi hai. Ghar pe mummy ne phone kiya, puch rahi thi ki "beta kab tak job ya kuch karega?" Main toh abhi prelims ki taiyari mein doobi hui hoon, nahi pata kya hoga. Sab mere batch ke friends ka placement ho gaya, koi MBA mein hai, koi toh foreign chala gaya. Aur main yahan Rajinder Nagar ki chhote se room mein akeli, sirf books aur tension le kar.

Bohot din se neend nahi aati. Raat ko 3 baje tak jagne ki aadat ho gayi hai. Fir subah uthne ka mann nahi karta. Hair fall bhi bohot ho raha hai, roz shower mein guchhe gir rahe hain. Kabhi kabhi sochti hoon, yeh sab kar bhi kya rahi hoon? Kya meri life mein kuch change hone wala hai?

Aaj fir ek friend ki shaadi ka card aaya. Sab log apni life mein aage badh rahe hain, aur main abhi bhi wahi khadi hoon, ek exam ke liye ro rahi hoon. Mummy ne kaha tha "beta kuch aur bhi toh options hain," par maine toh UPSC ka jhanjhat le liya. Ab pata nahi kaise nikalun.

Kya koi aur bhi yahan aisa feel karta hai? Ki saari duniya chali gayi, aur aap bas ek jagah atak gaye? Koi tip hai toh batao, please.