IVF fail ke baad ab kya? Egg quality improve karne ke desi nuskhe?

Aaj subah ek aur rishtedaar ka call aaya, pooch rahe the "kuch news?" Bas... kuch bol nahi payi. Mann karta hai phone hi uthana band kar du. 35 ki umar ho gayi, 4 saal se try kar rahi hoon, 2 IVF fail. Doctor bolte hain egg quality hi main problem hai. Ab koi bhi cheez seriously try karna chahti hoon.

Last cycle se pehle maine koi dhyan nahi diya tha is cheez pe. Ab pichle 2 mahine se maine apni lifestyle thodi badli hai - subah uthke 20 minute walk, processed sugar almost band kar di, aur raat ko 10 baje tak sone ki koshish. Saath mein doctor ne CoQ10 aur Vitamin D3 supplement diya hai. Par honestly, kabhi kabhi lagta hai ki itni mehnat ke baad bhi result nahi aayega toh?

Aaj kal toh khana bhi sahi se nahi ho paata, tension mein. Phir bhi sochti hoon ki shayad kuch aur karna chahiye.

Kya kisi ne egg quality improve karne ke liye koi aur nuskhe try kiye hain? Koi specific diet, ayurvedic cheezein, ya koi aur supplement jo really kaam aaya ho? Please share karo, bahut zaroorat hai is waqt.