**IVF fail hone ke baad relatives ka pressure aur mental breakdown - kya karein?**

Aaj subah uthi to socha kuch accha ho... but phir wahi blank feeling. 2nd IVF cycle fail hone ke baad se main khud ko bohot weak feel kar rahi hoon. Physically toh thik hoon lekin mentally har din ek naya battle hai. Mera husband support kar raha hai lekin relatives ko kya samjhayen? Aaj hi mausi ne phone karke pucha "beta, ab toh kuch karo, time nikal raha hai." Jaise hum koshish nahi kar rahe hain. Unhe pata hai humne 2 baar IVF karwaya hai phir bhi wohi baat. Main ro padi phone rakh ke.

Maine socha hai ab 3-4 mahine break loon, apne aap ko heal karoon. Kuch log bolte hain acupuncture helpful hai, kisi ne yoga bataya. Kya karna chahiye? Aur yeh social pressure kaise handle karein? Mera mann karta hai sabko block kar doon. Koi tips ho toh zaroor batayein. Bas kisi aur ki awaaz sunni thi jo samjhe.