IBS + CA prep = double torture! Subah ka routine fix karo ya life barbaad!

Yaar ye IBS ne meri jaan nikal di hai. Abhi CA inter ke liye padhai chal rahi hai aur subah subah pet hi saaf nahi hota. Pata nahi kya ho gaya hai, pehle toh subah uthke routine theek ho jaati thi, ab ghante lag jaate hain aur tab bhi aadha-adhura sa lagta hai. Fir poora din pet mein bhaari pan aur gas rehti hai, bilkul focus nahi ho paata.

Hostel ka khana toh hai hi, lekin maine soch raha tha ki yeh sirf khane ki wajah se hai. Ab lagta hai ki stress bhi bada factor hai. Exam ke time toh aur zyada marod uthti hai. Mummy ne kaha ghar aa jaa, par CA ka syllabus itna bada hai ki idhar hi rehna padta hai. Unhe samjhana mushkil hai ki yeh sirf pet ka nahi, dimaag ka bhi issue hai.

Main ab isabgol aur ajwain ka paani try kar raha hoon subah subah, kuch din se shuru kiya hai. Thoda farak padta hai par pura nahi. Kisi ko pata hai ki subah ki constipation aur IBS ka combination kaise handle karein? Koi aisa routine jo exam ke din bhi follow kar saku? Bohot pareshaan ho gaya hoon yaar.