Escitalopram se koi fark nahi! Depression mein ghar ki deewarein ghoom rahi hain? Pls help!

Aaj subah uthi toh pata nahi kyun, dil dhadak raha tha. Saara ghar suna, bas meri saans ki awaaz. Koi nahi hai jo kahe "chai laa do" ya "kya khana hai". Bacche hostel mein, pati Dubai mein hain. Aaj maine socha ki bathroom jaake nahaa lun, par lagbhag 2 ghant tak bed pe hi padi rahi. Phir force karke uthi, nahaya, lekin haath pair kaam nahi kar rahe the.

Doctor ne ek naya antidepressant diya hai - Escitalopram. 2 hafte hue hain, par abhi tak koi farak nahi padha. Uski wajah se neend bhi aati hai, neend bhi nahi aati. Pata nahi yeh sab kab theek hoga.

Ek problem aur hai - mere pati ko samajh nahi aata. Kehte hain "TV dekh lo, ghoom lo, kya problem hai?" Unhe lagta hai main drama kar rahi hoon. Par main toh apne aap ko bhi nahi samjha pa rahi hoon.

Forum ke bhaiyon aur beheno, kya aap logon ko bhi aise lagta hai ki ghar ke andar deewarein aapko ghoom rahi hain? Aur yeh dawaai kaam kab karna shuru karti hai? Please koi toh batao, main akeli feel kar rahi hoon. 🥺