Creatine 5g se 3g kar diya, lekin phir bhi dar lag raha hai ki kidney permanent damage toh nahi? Koi aur is phase se guzra hai?

Bhai log, serious help chahiye. 2 hafte pehle routine blood test karaya tha, sirf checkup ke liye. Report aayi toh creatinine level 1.4 hai, aur doctor ne seedha poocha - "Creatine supplement le rahe ho?" Maine haan bola, toh woh bole kidney pe load hai, dose kam karo ya band karo.

Ab main confuse hoon yaar. Whey aur pre-workout toh pehle hi high uric acid ki wajah se band kar diya tha, joint pain (gout) ka dard abhi tak jaata nahi. Ab creatine bhi band kar du? Gym mein strength drop ho jayegi, bulk phase hai. Ek taraf kidney ki tension, doosri taraf body ka goal. Ghar waalon ko kuch bataya nahi hai, warna maa toh protein powder tak phenk degi. Ghar mein tension ho jayegi.

Doctor ne sirf itna bola ki water intake badhao aur 1 mahine baad dobara test karo. Maine creatine 5g daily se ghata kar 3g kar diya hai. Koi aur is situation se guzra hai? Kyunki main sunn raha hoon ki creatine safe hai, but mere levels kyun badhe? Kidney damage permanent toh nahi hai na? Please batao, main bohot paranoid ho raha hoon.