Alarm miss, bete ka call ignore, depression ya kuch aur? Kya karna chahiye?

Aaj subah alarm bhi nahi suna. Bahut der se uthi. Pata nahi, kyun kisi se baat karne ka man nahi karta. Kal mere bete ne phone kiya tha, par maine call nahi uthaya. Uske baad message aaya, "Mumma, kya hua?" Maine bas "thik hoon" likh diya. Lekin andar se kuch khaali khaali lagta hai. Pati bhi pichhle hafte se Mumbai me hain. Ghar me koi aata jaata nahi, aur main khud bhi nahi jaana chahti.

Doctor ne citalopram diya hai abhi ek mahine se, lekin koi fark nahi lagta. Bas uthne mein aalas aur dimaag mein blankness. Kabhi kabhi lagta hai, main apne aap se bhi door bhaag rahi hoon. Aise me kisi friend ko phone karna toh aur bhi mushkil lagta hai. Kya in sab ka koi matlab bhi hai?

Maine suna hai ki depression me social isolation aur bhi buri hoti hai. Lekin agar mann hi nahi karta toh kya karein? Koi aisi cheez hai jo dheere dheere connection wapas la sake? Ya bas time lagega? Koi share karein toh bahut help hogi.