52 pe atka weight, sab try kar liya - ab kya karun? 😭

bc aaj phir same scene ho gaya. Ghar se nikalta hi pados wali aunty ne bola - "beta itne sukhe kyu ho, khaate nahi ho kya?" Aur mummy samne thi, unka chehra dekh ke hi samajh aa gaya kitna bura laga unhe. Main hasi ke saath ignore kar diya but andar se bahut bura lagta hai yaar.

College me bhi friends mazak udate hain - "Pradeep, hawa ka jhonka aaya toh ud jaaoge" type. Main seriously try kar raha hoon gain karne ka. Pehle mass gainer powder liya tha, usse liver me problem ho gayi thi, doctor ne mana kar diya. Ab natural diet pe focus kar raha hoon - roz 4-5 roti, chawal, dal, eggs, sab kuch. Par weight bas 52 pe atka hua hai, 5'8" height pe. Bahut frustrate ho raha hoon.

Mummy tension me rehti hain ki main bimaar dikhta hoon. Papa kehte hain gym join kar lo. Par itni patli body ke saath gym jaake bhi awkward lagta hai.

Koi hai yahan jisko same problem thi? Kya karke weight gain hua? Please koi genuine advice do, seriously ab bahut fed up hoon.