4 saal, 2 IVF fail, 10% chance - ab adoption ya phir se try?

Kal hi meri saas ne pucha, "beta, ab toh kuch socho na, hum budhe ho rahe hain." Aur main toh bas rukh gayi. 4 saal ho gaye, 2 IVF fail, ab relatives ka har sawaal "good news kab hai?" se dil pe chot lagti hai. Aaj ek dost ne adoption ki baat kari. Usne kaha, "bache ki zaroorat hai, toh usse pyar do, kyunki IVF se sirf pareshani aur umeed hai." Lekin mera mann abhi bhi apna blood, apna dna chahata hai. Pata nahi yeh ego hai ya maa banne ki asli chah.

Main abhi third IVF cycle ke baare mein soch rahi hoon, lekin doctor ne kaha chances sirf 10-15% hain. Aur har baar injection lagwana, hormones ka side effect, aur phir negative result ka dard... bahut mushkil ho raha hai. Kya koi yahan hai jisne IVF chhodkar adoption kiya ho? Ya phir aapne kai cycles karke success paayi? Mujhe koi bhi suggestion do, please. Main bahut confuse hoon aur rone ka mann karta hai har roz.