**10k steps ke baad bhi family hate: Fatty liver aur 350 triglycerides pe kya asar hoga?**

Yaar kal maine apne aap ko 10k steps ka challenge diya tha. Doctor ne kaha tha fatty liver aur triglycerides 350+ hai toh kuch toh karo. Pehle toh lagta tha itna kya chalna, par kal maine sincerely kiya. Subah 5 baje uth ke 6k steps nikal liye, phir office mein lunch break mein 4k aur. Pair mein dard ho raha tha but I felt proud.

Par ek problem hai. Ghar mein sab bolte hain "abhi toh daru chhod di, ab yeh walking ka natak kyun kar rahe ho?" Wife ko lagta hai main overacting kar raha hoon. Bacche toh bolte hain "papa sirf 2 din chalenge." Yeh sab sun ke dil tootta hai. Main genuinely try kar raha hoon, par family support nahi milti.

Triglycerides ka number dekh ke darr lagta hai. Kal walking ke baad thoda light feel hua, but raat ko fried chicken ka mann kiya. Control kiya lekin.

Mera sawaal yeh hai: kya 10k steps daily walk karne se triglycerides aur fatty liver mein asar hota hai? Ya kuch aur bhi karna padega? Aur family ko kaise samjhaun ki yeh sirf time pass nahi hai, meri health ka sawaal hai?