Yaar kal se gym start karna tha, aaj bhi bed pe hi atka! 😂 Pet dekh ke ladki ne bhi mana kar diya - kya karein?

Yaar honestly kya karun main. Office se 7 baje ghar aa gaya, socha aaj gym jayenge. Par jab bed pe baitha to laga "chhod na yaar, kal se shuru karenge". Ye kal kabhi aata hi nahi 😂

Aaj toh mummy ne bhi bola "pet toh dekho apna, ab koi ladki nahi degi haath". That hurt bro. Actually match bhi aaya tha arrange marriage wala. Ladki wale video call pe pet dekh ke bole "healthy ho aap" aur baat aage nahi badhi. Samajh gaya indirect rejection tha.

Toh kya karo? Main soch raha hu ki roz gym jane ki jagah alternate days pe jau. 3 din hafte. Kya ye kaam karega? Ya fir ekdum strict routine daalna padega? Koi remedy ho toh batao. Mera ek dost bola "30 din challenge le, phir habit ban jayegi". But 7 din bhi nahi nikal paata main.

Aur haan, ghar par bhi kya kuch kar sakta hu? I mean pushups ya skipping type? Office me bhi baith ke 9 ghante nikal jaate hain. Kya koi app ya YouTube channel recommend karoge jo ghar par hi ho jaye? Please help a brother out. Shadi ka pressure hai 😭