Client dinner me daru na piye to kya bole? Fatty liver ka excuse kaam karega? Help!

Yaar ye client meetings ka kya karein. Kal ek dinner tha, sab log wine aur whisky order kar rahe the. Mene bola “nahi doctor ne mana kiya hai” toh sab hasne lage, “arre business dinner me soft drink? Kya scene hai Amit bhai” bolke. Mera pet bhi bhari ho gaya tha pehle se hi, aur unke saamne water peena bhi awkward lag raha tha. Fatty liver grade 3 hai, doctor ne clear kaha hai bahar ka khana aur daru bilkul band. Par client ko mana karna business risk hai na? Kal raat toh ghar aake biwi ne bhi suna diya “ab toh control kar lo, nahi toh kya hoga”.

Aur haan, ek do din pehle ek new medicine start kiya hai - ursodeoxycholic acid. Thoda light feel ho raha hai subah, par pata nahi asar hoga ya nahi.

Question ye hai: client dinner meetings me bina daru ke kaise manage karein? Koi excuse ya trick batao jo professional lage. Aur kya koi natural drink option hai jo liver friendly ho aur party me chal sake? Please help, bohot pressure hai.