ACL tear aa gaya! Surgery ya tel se jodna? Cricket career ka sawaal hai, plz help!

Yaar, kal hi MRI ka result aaya. Right knee mein ACL complete tear hai. Bohot tension mein hoon. Main amateur cricketer hoon, district level pe khelta hoon, bowling all-rounder hoon. Ab surgery ka suggestion hai par mere parents ko dar lag raha hai. Unka kehna hai ki gao mein ek pehalwan hai jo "tel se jod deta hai" – matlab bina surgery ke theek kar deta hai. Unhe lagta hai surgery se career khatam ho jayega.

Maine unhe samjhane ki koshish ki ki modern medicine hai, lekin woh maanne ko taiyar nahi. Ab main confuse hoon. Kya sach mein surgery ke baad wapis khel paunga? Koi aapne aise case dekhe hain jahan ACL surgery ke baad player wapas aaya ho? Ya phir desi ilaaz ka koi fayda hai? Mujhe bas ek honest opinion chahiye kyunki meri poori life cricket pe dependent hai. Please help, koi experience share karo.